प्रारंभ कला अकॅडमी, आनंद विश्वगुरूकुल आणि महाराष्ट्र टाईम्स ह्यांच्या संयुक्त विद्यमान आयोजित चला व्यक्त होऊया ह्या उपक्रमाचा शुभारंभ काल २५ एप्रिल २०२५ रोजी ठाण्यातील बाळासाहेब ठाकरे सभागृह येथे संपन्न झाला.

अलिकडे लोकांचा कल हा मनोरंजनाकडे अधिक असल्याने चर्चा सत्र म्हटल कि फार लोक उत्साह दाखवत नाहीत पण...

काल प्रेक्षकांचा इतका उदंड प्रतिसाद ह्या सत्राला मिळाला कि १०० अधिक खुर्च्या मागवाव्या लागल्या.

ह्या सत्रामध्ये

मकरंद जोशी (लेखक,सामाजिक कार्यकर्ते),

प्रतिक्षा जोशी (एडव्होकेट),

कविता गौरी जोशी (क्लिनिकल सायकॉलॉजिस्ट),

वैदेही भिडे (समुपदेशक) हे (वक्त्ये) पाहुणे म्हणून उपस्थित होते.

संपूर्ण कार्यक्रमाचे सूत्रसंचालन मनिषा जाधव कुलकर्णी यांनी केलं.

तर संपूर्ण चर्चेच्या कार्यक्रमाचे सूत्रसंचालन प्रारंभच्या संचालिका अरुंधती भालेराव यांनी केले. आदिवासी महिलांना आथिर्क दृष्ट्या स्वावलंबी करण्याच्या हेतूने प्रारंभ राबवित असलेला उपक्रम म्हणजे त्यांना कापड,रंग व इतर साहित्य उपलब्ध करून देऊन त्या महिलांनी शिवलेल्या पिशव्यांवर त्याकडून वारली चित्र काढून घेऊन, त्या पिशव्या विकून त्याचा मोबदला त्या आदिवासी महिलांना देणे. ह्या पिशव्या तसेच आनंदकुळ हे पुस्तक विक्री करता सभागृहात विक्रिसाठी उपलब्ध होते.

प्रारंभ च्या सदस्या आणि विश्वस्त किर्ती केतकर ,मनिषा आचार्य , वैशाली कुलकर्णी , वैशाली पराड , गीतांजली जोशी शाह ह्या उत्तमप्रकारे बॅकस्टेज सांभाळत होत्या.

वक्ते व श्रोते ह्यांच्या परिसंवादाने चर्चा सत्राला उधाण आले होते.

माननीय खासदार नरेश म्हस्के

शारदा एज्युकेशन सोसायटी,आनंद विश्वगुरूकुल यांचे अध्यक्ष माननीय विलास ठुसे

त्याच बरोबर महाराष्ट्र टाइम्स चे वरिष्ठ पत्रकार या ठिकाणी उपस्थित होते.

हॉटेल मेतकूट ह्यांनी दर्जेदार आणि चविष्ट स्नॅक्स या ठिकाणी उपलब्ध करून दिले होते.

पुढच्या महिन्याच्या शेवटच्या शुक्रवारी दि.३० मे २०२५ रोजी या उपक्रमाचे दुसरे सत्र आयोजित करण्यात येणार आहे.